مطعم النصر – كبدة ومخ

نشأت علاقتي بالكبدة والمخ في مرحلة مبكرة من شبابي في مطاعم كبدة ومخ فيصل المشهورة ( عباد الرحمن المعروف بإسم زنجر ومحل تاني أسمه “طعمه”  ) ومؤخراً أكتشفت مطعم كنت بأعدي عليه من يوم ما عرفت نزول وسط البلد  في باب اللوق تحديداً وكنت دايماً بأبقي معجب بشكل الناس اللي واقفه قدامه عند الشباك مستنيه سندوتشاتها وطلباتها لحد ما جربته وحبيته ومن هنا نبتدي كلامنا عن المطعم ..

المطعم بيقدم نوعين من الأكل كبدة (معمولة بالردة) ومخ …اول ما تدخل علي تلاقي الكاشير/الخزانة علي يمينك وعلي شمالك علي مكان تحضير الأكل والرخامة والقلايات اللي بيتعمل  فيها الكبدة .وبعدين علي يمينك تلاجة البيبسي وفيها برضه المياه الساقعة وبعض السلطات في وشها الحوض ودايماً نضيف  وفي قطعة صابونة بحالها ومتوفر مناديل …

وبعدين هتلاقي صالة صغيرة والصالة دي تعتبر صالة الشباب والعزاب والصنايعة لإن ممكن أي حد يقعد مع أي حد علي الترابيزة ..عني أنت تقعد تاكل ممكن تلاقي شاب جه قعد جنبك أو قدامك وبياكل الطلب بتاعه .. الصالة اللي تحت بيخدم عليها عم إسماعيل وهو راجل إن بأحس إن مكافح جداً لإن مركب سماعة إذن ورجله فيها عرجة ولكنه بيشتغل شغلانة تعتمد علي الوقوف والحركة ..ربنا يقويه ولو رحت هناك حاول تتعامل معاه وتحبه وتكرمه

الدور العلوي في صالة عائلات ..والقعدة فيها جو عائلي مع لوحات متعلقة علي الحيطان ..يعني عشان لو رايح أنت والأسرة أو أنت والجماعة 🙂

المطعم في العموم نضيف و الصالة العلوية وصالة الأرضي مكيفيين  والتكييف لطيف ..المطعم مفيهوش تلفزيون ولا راديو ولا كاسيت بس مالهومش لزوم في مكان زي دا .

ندخل علي الأكل .. . أختيار الأكل سهل في  مطعم من النوع دا ..لو بتحب المخ هتطلب كبدة ومخ ..ولو مش بتحب المخ ..هتطلب طلب كبدة .. للفرد الكمية المعقولة طلب “ربع” أو لو شخص “أكيل” ممكن يطلب “تلت” .. الجميل إن الكبدة دايماً سخنة ملهلبة في أوي وقت أو يوم رحته وكإنها معمول مخصوص عشانك 🙂  ودا شئ جميل ..واي طلب بيزل معاه أربع أطباق جانبية /سلطات بشكل أساسي ..

  1. سلطة خضرا
  2. سلطة طحينة
  3. مخلل خيار
  4. سلطة كبدة

وممكن تغير سلطة الكبدة ب سلطة بتنجان مخلل لو تحب

ومع شفشق مياه ساقعة ستانلس ستيل “مشبر” وكوبايه مياه أزاز … وفي بيبسي وسفن كانز لو تحب

كدا أقدر أقول لك بالهنا والشفا واستمتع بالأكل 🙂

ملحوظات : في طلب “تمن” لو أنت بطنك صغيرة علي الآخر

وفي تيك أواي ..ممكن تطلب ساندوتش (دا يعني نص رغيف) وممكن رغيف وتقف تاخدهم من قدام الشباك وتتفرج علي الراجل وهو بيعملهم 🙂

سعر الأكل معقول ..يعني طلب الكبدة الربع في “حدود 12 جنيه” بس المخ هو اللي غالي بيخلي الطلب الربع المشكل مثلاً يضرب في العالي ..بس إجمالاً سعره بالنسبة للأكل والخدمة مقبول جداً ..

تحية لصديقي الدكتور كريم الديب صاحب مدونة فول وفاهيتا  عشان مدونته شجعتني إني أبدأ أدون ملاحظاتي المتواضعة عن المطاعم لعل حد ينتفع بيها 🙂

ولحبايبي الأكيلة علي ابو طالب ومحمودعبد العزيز ..حبايبي اللي أكلت كبدة ومخ من عند فتحي في السيدة زينب وهنا ريفييو كريم عنه 🙂

آخيراً .. مكان مطعم النصر علي  خرايط جوجل في اللنك دي 

http://goo.gl/maps/SwFBL

Advertisements

~ by zeyseeker on 22/08/2012.

7 Responses to “مطعم النصر – كبدة ومخ”

  1. Nice review 🙂 .. da ento momken te3mlo website for resturants reviews w teksabo dahab 😀

  2. و بالهنا و الشفا 🙂 طيب فيه بنات بتروح هناك لوحدهم؟

  3. عنده ديليفري ؟

  4. على فكرة فعلا مطعم اكثر من رائع لاانى بروح من وانا عندى 10 سنين مع العلم انا دلوقتى 31
    احلى ما فية انة مصرى اصيل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: